နွေဦးတော်လှန်ရေးမှာ ပါဝင် ကူညီလိုပါသလား

“ မြန်မာ့နွေဦးတော်လှန်ရေးတွင် ပါဝင် ကူညီနိုင်သည့် နည်းလမ်းများ”

၁။ နွေဦးတော်လှန်ရေးအကြောင်း သိရှိ နားလည်စေရန် လုပ်ဆောင်ခြင်း

• မိမိကိုယ်တိုင်နှင့် အခြားသူများပါ သိရှိနားလည်နေရန် လုပ်ဆောင်ပါ
  ယုံကြည်ကိုးစားရသော သတင်းရင်းမြစ်များ၊ တက်ကြွလှုပ်ရှားသူများ၊ မြန်မာ့အရေး ပါဝင်လုပ်ဆောင်နေသည့် အစိုးရမဟုတ်သော အဖွဲ့အစည်းများ၏ ထုတ်ပြန်ချက်များ၊ ပြောဆိုချက် များကို မပြတ် စောင့်ကြည့်ပြီး အခြေအနေအရပ်ရပ်ကို သိရှိနားလည်နေစေရန် လုပ်ဆောင်နိုင်ပါ သည်။
• ဆိုရှယ်မီဒီယာကို အသုံးပြုပါ
  Twitter, Facebook, Instagram, Telegram စသည်တို့ကို အသုံးပြုပြီး မြန်မာနိုင်ငံ အခြေအနေ နှင့်ပတ်သက်၍ အခြားသူများ သိရှိနားလည်နေစေရေး ဖြန့်ဝေပေးနိုင်ပါသည်။ နွေဦးတော်လှန်ရေး၏ သတင်းများ၊ နောက်ဆုံးအခြေအနေများ တဦးချင်းစီ၏ ဇာတ်ကြောင်းများကို မျှဝေပေးနိုင်ပါသည်။
• အခမ်းအနားများ ကမကထပြု လုပ်ဆောင်ပါ
  မြန်မာ့ ဒီမိုကရေစီရေးနှင့် လူ့အခွင့်အရေးဆိုင်ရာ ကြိုးပမ်း အားထုတ်မှုများနှင့် စပ်လျဥ်းသည့် ဆွေးနွေးပွဲများ၊ မှတ်တမ်းရုပ်ရှင် ပြသခြင်းများကို ကမကထပြု လုပ်ဆောင်နိုင်ပါသည်။

၂။ ရန်ပုံငွေ ကူညီ ထောက်ပံ့ခြင်း

• ဒီမိုကရေစီရေး အဖွဲ့အစည်းများကို လှူဒါန်းပါ
  အမျိုးသားညီညွတ်ရေးအစိုးရ (သို့မဟုတ်) ဖက်ဒရယ် ဒီမိုကရေစီ နိုင်ငံတော်သစ် တည်ထောင်ရေး ကြိုးပမ်းနေကြသည့် လူမျိုးစုအဖွဲ့အစည်းများ အစရှိသည်တို့ကို ရန်ပုံငွေများ လှူဒါန်း ပါဝင်နိုင်ပါသည်။ NUG ၏ ရန်ပုံငွေနှင့် ဘဏ္ဍရေးဆိုင်ရာ အစီအစဥ်များတွင်လည်း ပါဝင်နိုင်ပါသည်။ [email protected] အီးမေးလ်သို့လည်း ဆက်သွယ်နိုင်ပါသည်။
• ငလျင်ဘေးဒဏ်သင့်လူထုအတွက် https://mohadm.nugmyanmar.org/donate/
• နွေဦးထီ https://nwayoohti.com/
• NUGPay https://nugpay.app/
• နွေဦးဘဏ် https://springdevelopmentbank.com/
• နွေဦးတော်လှန်ရေး အထူးငွေတိုက်စာချုပ် https://www.unitedbonds-nug.org/
• ကျန်းမာရေး https://moh.nugmyanmar.org/my/donate/
• ပညာရေး https://moe.nugmyanmar.org/
• လူသားစာနာမှု https://tinyurl.com/8v775v9n

• လူသားစာနာမှု အကူအညီများ ပေးအပ်ပါ
  အိုးအိမ်စွန့်ခွာရသူများ၊ စစ်ရှောင်များ၊ ဒုက္ခသည်များ စသည်တို့ကို ကူညီနေသည့် နယ်စည်းမထား ဆရာဝန်များအဖွဲ့ (MSF)၊ နိုင်ငံတကာ ကူညီကယ်ဆယ်ရေးအဖွဲ့ (IRC)၊ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) စသည့် အစိုးရမဟုတ်သည့် အဖွဲ့အစည်းများအတွက် ရန်ပုံငွေ လှူဒါန်းနိုင်ပါသည်။

• မြန်မာသတင်းထောက်များ၊ သတင်းဌာနများကို ကူညီပါ
  လွတ်လပ်သည့် သတင်းမီဒီယာများအနေဖြင့် မြန်မာနိုင်ငံ အခြေအနေအရပ်ရပ်ကို အဆက်မပြတ် သတင်းရယူ တင်ဆက်နိုင်စေရေး ရန်ပုံငွေ လှူဒါန်းနိုင်ပါသည်။
• ငြိမ်းချမ်းစွာ ဆန္ဒပြသူများ၊ အကျဥ်းကျနေသူများ၊ မိသားစုဝင်များအတွက် ရန်ပုံငွေ စုပေါင်း ကောက်ခံပါ
  ငြိမ်းချမ်းစွာ ဆန္ဒပြသူများ၊ အကြမ်းဖက်စစ်တပ်က ဥပဒေမဲ့ ဖမ်းဆီး အကျဥ်းချထားသူများ၊ မိသားစုဝင်များ၊ ဘေးဒဏ်သင့်သူများ စသူတို့အတွက် ရန်ပုံငွေ စုပေါင်းကောက်ခံသည့် အစီအစဥ် အများအပြားရှိပါသည်။ အဆိုပါ ရန်ပုံငွေများကို ကျန်းမာရေး စောင့်ရှောက်မှု၊​ ဥပဒေရေးရာ ထောက်ကူပေးမှု သို့မဟုတ် လိုအပ်သည့် မိသားစုဝင်များကို ကူညီ ထောက်ပံ့မှု စသည်တို့အတွက် အသုံးပြုပါသည်။

၃။ နိုင်ငံရေးအရ လှုံ့ဆော် စည်းရုံးခြင်း

• သက်ဆိုင်ရာ အစိုးရတာဝန်ရှိသူများကို ဆက်သွယ်ပါ
  မြန်မာနိုင်ငံတွင် လက်နက်အားကိုး အာဏာသိမ်းယူထားသည့် အကြမ်းဖက်စစ်တပ်အပေါ် ဒဏ်ခတ် ပိတ်ဆို့ အရေးယူမှုများ ချမှတ်ရန်၊ ဒီမိုကရေစီရေး လှုပ်ရှားမှုကို အားပေး ထောက်ခံ ကူညီရန် သက်ဆိုင်ရာ နိုင်ငံရေးသမားများ၊ အစိုးရအဖွဲ့ တာဝန်ရှိသူများထံ စာရေးသား ပေးပို့ တိုက်တွန်းနိုင်ပါသည်။
• လှုံ့ဆော် စည်းရုံးရေး လှုပ်ရှားမှုများတွင် ပါဝင်ပါ
  မြန်မာ့အရေး နိုင်ငံတကာက အရေးယူ လုပ်ဆောင်လာရေးအတွက် ကမ္ဘာလုံးဆိုင်ရာ ပန်ကြားမှုများ၊ ဆန္ဒပြပွဲများ၊ လှုံ့ဆော် စည်းရုံးမှုများတွင် ပါဝင် လုပ်ဆောင်နိုင်ပါသည်။
• သပိတ်မှောက် အစီအစဥ်များတွင် ပါဝင်ပါ
  မြန်မာ အကြမ်းဖက်စစ်တပ်နှင့် ဆက်စပ် ပတ်သက်နေသည့် ထုတ်ကုန်များကို အသုံးမပြုခြင်း၊ စီးပွားရေးလုပ်ငန်းများနှင့် မပတ်သက်ခြင်းတို့ဖြင့် သပိတ်မှောက်နိုင်သလို အခြားသူများလည်း အလားတူ လုပ်ဆောင်ရန် အားပေး တိုက်တွန်းနိုင်ပါသည်။

၄။ ဒုက္ခသည်များ၊ အိုးအိမ်စွန့်ရသူများကို ကူညီခြင်း

• သက်ဆိုင်ရာဒေသတွင် ကူညီ လုပ်ဆောင်ပေးပါ
  လူကြီးမင်းနေထိုင်သောဒေသရှိ မြန်မာနိုင်ငံမှ ဒုက္ခသည်များအတွက် လုပ်ကိုင်ဆောင်ရွက်နေသည့် အဖွဲ့အစည်းများတွင် ပါဝင် ကူညီနိုင်ပါသည်။
• လိုအပ်သည်များ လှူဒါန်းပေးပါ
  အိုးအိမ်စွန့်ရသူများကို ကူညီနေသည့် အစုအဖွဲ့များသို့ စားနပ်ရိက္ခာများ၊ အဝတ်အထည်များ၊ ကျောင်းသုံးပစ္စည်းများ စသည်တို့ကို လှူဒါန်းနိုင်ပါသည်။

၅။ တော်လှန်ရေးအင်အားစုများ၏ သဘောထားအမြင်များကို ထပ်ဆင့် ဖြန့်ဝေခြင်း

• နိုင်ငံတကာရှိ မြန်မာအဝန်းအဝိုင်းများနှင့် လက်တွဲလုပ်ဆောင်ပါ
  မြန်မာ့နွေဦးတော်လှန်ရေးအတွက် နည်းလမ်းအမျိုးမျိုးဖြင့် လုပ်ကိုင်ဆောင်ရွက်နေသည့် ပြည်ပရှိ မြန်မာအဝန်းအဝိုင်းများနှင့် လက်တွဲပြီး တောင်းဆိုမှုများကို ထပ်ဆင့် ဖြန့်ဝေနိုင်ပါသည်။
• အနုပညာလက်ရာများကို မျှဝေပေးပါ
  နွေဦးတော်လှန်ရေး၏ ဇာတ်ကြောင်းများ၊ ရုန်းကန် ကြိုးစားမှုများကို မီးမောင်းထိုး ဖော်ပြသည့် မြန်မာအနုပညာရှင်များ၊ တက်ကြွလှုပ်ရှားသူများ၏ လက်ရာများကို မျှဝေနိုင်ပါသည်။

၆။ ဒစ်ဂျစ်တယ်လ် နည်းလမ်းများဖြင့် လှုပ်ရှားခြင်း

• အွန်လိုင်းဆင်ဆာလုပ်ခြင်းကို ပါဝင် တိုက်ဖျက်ပေးပါ
  မြန်မာနိုင်ငံတွင် အင်တာနက်ဆက်သွယ်ရေး ပိတ်ပင် ကန့်သတ်ခြင်းကို ကျော်လွှားနိုင်မည့် VPN များ သို့မဟုတ် နည်းလမ်းများကို မျှဝေနိုင်ပါသည်။
• ဘေးရန်ကင်းသည့် ဆက်သွယ်ရေးနည်းလမ်းများကို ကူညီ ထောက်ပံ့ပေးပါ
  မြေပြင်ရှိ တက်ကြွလှုပ်ရှားသူများ ဘေးရန်ကင်းစွာ ဆက်သွယ်နိုင်သည့် နည်းလမ်းများကို ကူညီလုပ်ဆောင်နေသည့် အစီအစဥ်များအတွက် ပါဝင် လှူဒါးနိုင်ပါသည်။

၇။ စဥ်ဆက်မပြတ် ပါဝင် လုပ်ဆောင်ခြင်း

• မြန်မာ့နွေဦးတော်လှန်ရေးသည် ကာလရှည် ရုန်းကန် တိုက်ပွဲဝင်ရမည့် တော်လှန်ရေးတရပ် ဖြစ်ပါသည်။ နောက်ဆုံးအခြေအနေများကို မပြတ် သိရှိနေစေရန် လုပ်ဆောင်ပြီး စဥ်ဆက်မပြတ် ပါဝင် ကူညီ လုပ်ဆောင်ပါ၊ နိုင်ငံတကာ၏ သတိပြုမိမှု လျော့ပါးလာသည့် အခြေအနေမျိုး ရောက်လာသည့်တိုင် လူကြီးမင်း၏ ပါဝင် အားထုတ် လုပ်ဆောင်မှုများကို စဥ်ဆက်မပြတ် လုပ်ဆောင်ပေးပါ။